ბაიდენის ადმინისტრაციამ მომავალ თვეში დაგეგმილ დემოკრატიის სამიტზე ტაივანიც მიიწვია. ინფორმაციას Reuters ავრცელებს. გამოცემის ცნობით, აღნიშნულმა ნაბიჯმა შესაძლოა ჩინეთის გაბრაზება გამოიწვიოს, რადგან ის ტაივანს საკუთარ ტერიტორიად მოიაზრებს.
Reuters წერს, რომ 9-10 დეკემბერს დაგეგმილი დემოკრატიის სამიტი არის შეერთებული შტატების მცდელობა, დააბრუნოს ამერიკა მსოფლიო ლიდერობის სათავეში, რათა დაუპირისპირდეს ავტორიტარულ ძალებს ჩინეთისა და რუსეთის მეთაურობით.
სახელმწიფო დეპარტამენტის მიერ დაგეგმილ ვირტუალურ შეხვედრაზე 110 მონაწილეა მიწვეული.