ავსტრალიამ ლიბანური შიიტური პოლიტიკური პარტია „ჰეზბოლა“ და ნეონაცისტური ორგანიზაცია The Base ტერორისტულ ორგანიზაციებად აღიარა, - ინფორმაციას Reuters-ი ავრცელებს.
ტერორისტულ ორგანიზაციად აღიარებული დაჯგუფებების წევრობა ავსტრალიის კანონმდებლობით უკანონოდ მიიჩნევა და 25 წლამდე თავისუფლების აღკვეთით ისჯება.
„ავსტრალიაში ძალადობრივი ექსტრემიზმისთვის ადგილი არ არის. არ არსებობს არანაირი მიზეზი, იქნება ეს რელიგიური თუ იდეოლოგიური, რამაც შესაძლოა, უდანაშაულო ადამინების მკვლელობა გაამართლოს“, - განაცხადა ავსტრალიის შინაგან საქმეთა მინისტრმა კარენ ენდრიუსმა.
ავსტრალიაში „ჰეზბოლა“ აქტიური არ არის, თუმცა ხელისუფლება მიიჩნევს, რომ ნეონაცისტური ორგანიზაცია The Base ქვეყანაში „უჯრედების“ შექმნას ცდილობს.