ჯანმრთელობის მსოფლიო ორგანიზაციის საქართველოს ოფისის ორგანიზებით, ექიმებისა და ექთნებისთვის რეანიმაციისა და ინტენსიური თერაპიის ტრეინინგი - „COVID-19-ის მართვა რეანიმაციისა და ინტენსიური თერაპიის განყოფილებაში” ჩატარდა, - ამის შესახებ ინფორმაციას ჯანდაცვის სამინისტრო ავრცელებს.

მათივე ინფორმაციით, შეხვედრაზე მხარეებმა კოვიდრეანიმაციის საკითხები განიხილეს.

„შეხვედრაზე მხარეებმა კოვიდრეანიმაციის ისეთი აქტუალური თემები განიხილეს, როგორებიცაა: ვენტილაციის სტრატეგიები რესპირატორული დისტრეს სინდრომის დროს; ინფექციის კონტროლი, ანტიმიკრობული თერაპია და ანტიმიკრობული რეზისტენტობა რეანიმაციულ განყოფილებაში; ინტრავასკულარული მოწყობილობების გამოყენება ინტენსიური თერაპიის პრაქტიკაში.

ტრენინგს ჯანმრთელობის მსოფლიო ორგანიზაციის მიერ მოწვეული ექსპერტი ექიმი კნუტ ტაქსბრო გაუძღვა“, - ნათქვამია ინფორმაციაში.