სულ მცირე, 27 მიგრანტი დაიღუპა საფრანგეთის სანაპიროსთან ნავის ჩაძირვის შედეგად. ამის შესახებ ფრანგული მედია პოლიციაში წყაროზე დაყრდნობით იუწყება.

შემთხვევა პა დე კალეს სრუტესთან მოხდა.

ტელეარხი BFM TV იუწყება, რომ ნავი, რომლითაც მიგრანტებს დიდ ბრიტანეთამდე სურდათ მიღწევა, ამოტრიალდა.

მედია წერს, რომ ადგილზე გაემგზავრა საფრანგეთის შინაგან საქმეთა მინისტრი ჟერალდ დარმანენი.