აშშ-ში შავკანიანი აჰმოდ არბერის მკვლელობისთვის დამნაშავედ სამი პირი ცნეს, განაჩენს ჯო ბაიდენი გამოეხმაურა

აშშ-ში ნაფიცმა მსაჯულებმა სამი თეთრკანიანი მამაკაცი დამნაშავედ ცნეს ახალგაზრდა აფროამერიკელი მამაკაცის, აჰმოდ არბერის მკვლელობაში.

გადაწყვეტილება სანაპირო ქალაქ ბრუნსვიკში 12-მა ნაფიცმა მსაჯულმა მიიღო.

გრეგორი მაკმაიკლის, მის ვაჟს, ტრევის მაკმაიკლისა და მეზობელს, უილიამ „როდი“ ბრაიანს სამუდამო პატიმრობა ემუქრებათ.

სასამართლოს გადაწყვეტილებას აშშ-ის პრეზიდენტი, ჯო ბაიდენი გამოეხმაურა. მისი თქმით, განაჩენმა აჩვენა, რომ ამერიკის სისხლის სამართლის სისტემა „თავის საქმეს ასრულებს“, თუმცა მკვლელობამ ამერიკას შეახსენა, „რამდენად შორს უნდა წავიდეთ ამ ქვეყანაში რასობრივი სამართლიანობისთვის ბრძოლაში“.

„ჩვენ ხელახლა უნდა ავიღოთ ვალდებულება ერთიანობისა და საერთო ძლიერების მომავლის ასაშენებლად, სადაც, კანის ფერის გამო, არავის ეშინია ძალადობის“, - ნათქვამია პრეზიდენტ ბაიდენის განცხადებაში.

შეგახსენებთ, აფროამერიკელი აჰმოდ არბერის, ჯორჯიის შტატის ქალაქ ბრუნსვიკში 2020 წლის თებერვალში მოკლეს. მკვლელობის ამსახველი ვიდეო, რომელიც უილიამ ბრაიანმა გადაიღო, ორი თვის შემდეგ გავრცელდა და მნიშვნელოვანი საზოგადოებრივი აღშფოთება გამოიწვია, როცა ცნობილი გახდა, რომ მკვლელობაში მონაწილე 3 პირიდან არცერთი არ იყო დაკავებული.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია