რუსეთის მაღაროში 49 მეშახტეს ეძებენ
რუსეთში, კემეროვოს ოლქში, ქვანახშირის მაღაროში, სადაც 285 ადამიანი იმყოფებოდა, ხანძარი გაჩნდა.
ადგილობრივი მედიის ინფორმაციით, ამ დრომდე მაშველებმა 236 პირის ევაკუირება განახორციელეს, 49-ის ადგილსამყოფელი კი ჯერჯერობით უცნობია. კატასტროფის მედიცინის რეგიონული ცენტრის პრესსამსახურის ცნობით, კვამლით ინტოქსიკაციის შედეგად 40 მეშახტე დაშავდა, მათგან ორის მდგომარეობა მძიმეა.
