ანა ნაცვლიშვილმა საპარლამენტო ტრიბუნაზე სარკე დადგა და გასაუბრებაზე მისულ მოსამართლეობის კანდიდატსა და უმრავლესობის დეპუტატებს მასში ჩახედვისკენ მოუწოდა

“ლელო - პარტნიორობა საქართველოსთვის“ წარმომადგენელმა ანა ნაცვლიშვილმა იურიდიულ საკითხთა კომიტეტის სხდომაზე, ტრიბუნაზე სარკე დადგა და გასაუბრებაზე მისულ უზენაესი სასამართლოს მოსამართლეობის კანდიდატ გენედი მაკარიძეს და უმრავლესობის დეპუტატებს სარკეში ჩახედვისა და საკუთარი თავის დანახვისკენ მოუწოდა.

კომიტეტის სხდომაზე მიმდინარე მოსმენას ნაცვლიშვილმა სიყალბე და თეატრალიზებული წარმოდგენა უწოდა. მან გენადი მაკარიძეს მიმართა, რომ მის მიმართ კითხვები არა აქვს, რადგან ყველაფერზე პასუხი მისი დუმილია, რომელსაც ინარჩუნებს იმისთვის, რომ სასამართლო სისტემის ზემდგომ ინსტანციებში გზა გაიკვალოს.

„უზენაესი სასამართლოს მოსამართლეობის კანდიდატია ნინო სანდოძე, რომელიც 2012 წლამდეც მოსამართლე იყო და არც ერთი გამამართლებელი განაჩენი მას არ აქვს, მაგრამ არც მას და არც ირაკლი კობახიძეს ამ ფაქტის არ რცხვენიათ, რადგან კობახიძე იტყვის, რომ მანამდე მიკერძოებული იყვნენ და ახლა სანდოძე გამოსწორდა.

ქვეყანაში ძალიან დიდი უსამართლობა ტრიალებს, რომელსაც გამომძიებელი და მომკითხავი არავინ ჰყავს. რამდენიმე დღის წინ ადამიანს გული გაუსკდა და გუშინ ამის ჩანაწერები გამოქვეყნდა. ეს იმის გამო ხდება, რომ თქვენ, თქვენი გაგებით პატიოსნად მოსამართლეობთ, ხოლო სინამდვილეში ძალიან დიდ სიყალბეში მონაწილეობთ, რაც აუცილებლად გასკდება და მსხვერპლად მოჰყვებით. არ მინდა, რომ არც მსხვერპლი იყოთ და არც ჯალათი! თქვენი ბედი კომიტეტზე გასაუბრების შედეგად კი არ გადაწყდება, არამედ გადაწყდება პოლიტიკურ კულუარებში“, - მიმართა ანა ნაცვლიშვილმა გენადი მაკარიძეს, რის შემდეგაც კომიტეტის სხდომა დატოვა.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ