საფრანგეთის სანაპიროსთან ნავის ჩაძირვის შედეგად დაღუპულ 27 მიგრანტს შორის ფეხმძიმე ქალი და სამი ბავშვია, - BBC-ის ინფორმაციით, ამის შესახებ საფრანგეთის ხელისუფლების წარმომადგენლებმა განაცხადეს. მათი ცნობით, დაღუპულია 17 მამაკაცი, 7 ქალი და 3 ბავშვი. ფრანგული მედიის ცნობით, დაღუპული მიგრანტები, სავარაუდოდ, ერაყელი და ირანელი ქურთები არიან. მაშველებმა ორი ადამიანის გადარჩენა შეძლეს. მათი მდგომარეობა კრიტიკულია.

შეგახსენებთ, საფრანგეთის სანაპიროსთან ნავის ჩაძირვის შედეგად 27 მიგრანტი დაიღუპა. ნავი, რომლითაც მიგრანტებს გაერთიანებულ სამეფომდე სურდათ ჩაღწევა, ამოტრიალდა. მომხდართან დაკავშირებით ფრანგმა სამართალდამცავებმა ადამიანთა ტრეფიკინგში ეჭვმიტანილი 5 პირი დააკავეს.