200-მდე მიგრანტმა პოლონეთი-ბელარუსის საზღვრის გარღვევა და პოლონეთის ტერიტორიაზე შეჭრა სცადა, - Reuters-ის ინფორმაციით, ამის შესახებ პოლონეთის საზღვრის დაცვის სამსახურში განაცხადეს.

მათივე ინფორმაციით, ინციდენტი სოფელ ჩერემხასთან ახლოს მოხდა, რაც მიგრანტებსა და პოლონეთის ძალებს შორის დაპირისპირებაში გადაიზარდა.

„ისინი ცდილობდნენ საზღვრის გარღვევას, ისროდნენ ხის ტოტებსა და ქვებს და ეს მცდელობა ჩვენმა თანამშრომლებმა შეაჩერეს,“- განუცხადა Reuters-ს სასაზღვრო დაცვის პრესსპიკერმა ანა მიჩალსკამ.

მისი თქმით, საზღვარზე მყოფი დაუძლურებული 5 მიგრანტი საავადმყოფოში გადაიყვანეს.