პოლონეთის პრეზიდენტმა ნატო-ს გენერალურ მდივანს აღმოსავლეთ ფლანგზე ძალის გაძლიერებისკენ მოუწოდა

პოლონეთის პრეზიდენტი ანჯეი დუდა ნატოს მოუწოდებს, ალიანსმა აღმოსავლეთ ფლანგზე ძალების მზადყოფნა გაზარდოს, რაც უკავშირდება უკრაინის საზღვართან უსაფრთხოების სფეროში შექმნილ ვითარებას. ამის შესახებ დუდამ ბრიუსელში ნატოს გენერალურ მდივანთან ერთად გამართულ პრესკონფერენციაზე განაცხადა.

მისი თქმით, ვარშავა ძალიან სერიოზულად ეკიდება უკრაინის საზღვართან არსებულ ვითარებას.

„გენერალურ მდივანს შევთავაზე, გაზარდოს ნატოს ძალების მზადყოფნა ევროპის ამ ნაწილში, აღმოსავლეთ ფლანგზე, განიხილოს იქ სამხედრო ყოფნის გაზრდის შესაძლებლობა, თუნდაც მისია Air Policing-ის, სადამკვირვებლო მისიების ფარგლებში, რომლებიც პატრულირებს ჩრდილოატლანტიკური ალიანსის აღმოსავლეთ მონაკვეთზე“, - განაცხადა ანჯეი დუდამ.

მისი თქმით, ეს აუცილებელია იმისთვის, რომ ყველა პოტენციურმა აგრესორმა ნახოს, რომ ნატო არა მხოლოდ მზად არის წევრი ქვეყნების თავდაცვისთვის, არამედ ყურადღებას აქცევს თავის მოკავშირეებს ნატოს მიღმა.

„საუბარია ისეთ მოკავშირეებზე, როგორიცა არის უკრაინა, რადგან უკრაინის უსაფრთხოება რეალური საფრთხის ქვეშ არის“, - განაცხადა დუდამ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“