რუსეთის პრეზიდენტი ვლადიმერ პუტინი, აზერბაიჯანის პრეზიდენტი ილჰამ ალიევი და სომხეთის პრემიერ-მინისტრი ნიკოლ ფაშინიანი დღეს სოჭში შეხვედრას გამართავენ, - ინფორმაციას კრემლის პრესსამსახური ავრცელებს.
მათივე ინფორმაციით, შეხვედრა რუსეთის პრეზიდენტის ინიციატივით გაიმართება.
კრემლის ინფორმაციით, დაგეგმილია სამი ქვეყნის ლიდერების მიერ 2020 წლის 9 ნოემბრით და 2021 წლის 11 იანვრით დათარიღებული შეთანხმებების შესრულების, ასევე რეგიონში სტაბილურობის განმტკიცებისა და მშვიდობიანი ცხოვრების დამყარებისთვის შემდგომი ნაბიჯების განხილვა.
მათივე ცნობით, განსაკუთრებული ყურადღება დაეთმობა სავაჭრო, ეკონომიკური და სატრანსპორტო კავშირების აღდგენა-განვითარების საკითხს.
გარდა ამისა, რუსეთის პრეზიდენტის ადმინისტრაციის ინფორმაციით, ვლადიმერ პუტინი ილჰამ ალიევთან და ნიკოლ ფაშინიანთან ცალ-ცალკე საუბარსაც გეგმავს.
იხილეთ ვიდეო:ვლადიმერ პუტინი, ილჰამ ალიევი და ნიკოლ ფაშინიანი დღეს სოჭში შეხვედრას გამართავენ