თბილისის სახელმწიფო უნივერსიტეტში საერთაშორისო პროექტის შედეგების პრეზენტაცია გაიმართა

ივანე ჯავახიშვილის სახელობის თბილისის სახელმწიფო უნივერსიტეტში საერთაშორისო პროექტის „აღმოსავლეთის პარტნიორობის როლი და მნიშვნელობა აღმოსავლეთ ევროპისა და სამხრეთ კავკასიის რეგიონის ქვეყნების ტრანსფორმაციის პროცესში“ შედეგების პრეზენტაცია გაიმართა.

როგორც თბილისის სახელმწიფო უნივერსიტეტის ინფორმაციაშია ნათქვამი, კვლევა დაფინანსდა პოლონეთის საგარეო საქმეთა სამინისტროს მიერ და ხორციელდებოდა უნივერსიტეტების საერთაშორისო კონსორციუმის მიერ, რომელიც აერთიანებდა კრაკოვის იაგელონიის უნივერსიტეტს, ივანე ჯავახიშვილის სახელობის თბილისის სახელმწიფო უნივერსიტეტს, ივან ფრანკოს სახელობის ლვოვის უნივერსიტეტს, ერევნის სახელმწიფო უნივერსიტეტს, მოლდოვის სახელმწიფო უნივერსიტეტსა და ლვოვის საერთაშორისო უსაფრთხოებისა და თანამშრომლობის (ISPC) ცენტრს.

მათივე ინფორმაციით, თსუ-დან პროექტის თანაავტორი და პარტნიორი იყო თსუ იურიდიული ფაკულტეტის ევროპული კვლევების ინსტიტუტი.

„საკმაოდ სერიოზული და საინტერესო კვლევა ჩატარდა ჩვენს რეგიონში აღმოსავლეთ პარტნიორობის როლზე. დღეს ვაჯამებთ კვლევის შედეგებს, ვიმედოვნებ, რომ ბევრ სიახლეს შევიტყობთ აღმოსავლეთ პარტნიორობასთან დაკავშირებით და იმ გამოწვევების შესახებ, რაც ჩვენს ქვეყანას ამ მიმართულებით გააჩნია“, - აღნიშნა თსუ ადმინისტრაციის ხელმძღვანელმა ლაშა საღინაძემ.

ევროპული კვლევების ინსტიტუტის დირექტორის ნინო ლაპიაშვილის თქმით, პროექტის ფარგლებში იგეგმება პუბლიკაციის გამოცემა, რომელიც ფართო საზოგადოებას კვლევის შედეგებს გააცნობს.

„ინგლისურ ენაზე გამოცემული პუბლიკაცია ხელმისაწვდომი იქნება არამარტო ქართველი, ასევე აღმოსავლეთ პარტნიორობის ქვეყნების მკითხველებისთვისაც. მნიშვნელოვანია იმის აღნიშვნაც, რომ კრაკოვის იაგელონიის უნივერსიტეტთან ჩვენს ინსტიტუტს თორმეტწლიანი მეგობრობა აკავშირებს. ჩვენ არაერთხელ ჩაგვიტარებია სამეცნიერო კონფერენციები, ვორკშოპები, ღონისძიებები“, - განაცხადა ნინო ლაპიაშვილმა.

ღონისძიებას ესწრებოდნენ თსუ-ის იურიდიული ფაკულტეტის დეკანის მოადგილე დემეტრე ეგნატაშვილი, თსუ-ის ევროპული კვლევების ინსტიტუტის ევროპის ისტორიის მოდულის ხელმძღვანელი, თსუ-ის ამერიკისმცოდნეობის ინსტიტუტის დირექტორი ვასილ კაჭარავა, პროგრამის ხელმძღვანელი და კრაკოვის იაგელონიის უნივერსიტეტის წარმომადგენელი პიოტრ ბაიორმი, საქართველოში პოლონეთის რესპუბლიკის საელჩოს წარმომადგენელი მაგდალენა ვოიდასიევიჩი და კრაკოვის იაგელონიის უნივერსიტეტის მენეჯმენტისა და სოციალური კომუნიკაციის ფაკულტეტის დეკანი ევა ბოგაჩ-ვოიტანოვსკი.

„მეცნიერების და ზოგადად, საზოგადოების მომავალი მჭიდროდ არის დაკავშირებული არა კონკურენციასთან, არამედ თანამშრომლობასთან. ჩვენი პროექტი თავისი არსით აღმოსავლეთ პარტნიორობის რეგიონის ქვეყნებს შორის კოოპერაციას, ერთობლივი პროექტების განხორციელებას ეძღვნება. ჩემი დღევანდელი მოხსენების თემა ასევე უკავშირდება უმაღლესი საგანმანათლებლო დაწესებულებების მესამე მისიას, რომელშიც მოიაზრება უნივერსიტეტების არა მხოლოდ საგანმანათლებლო და კვლევითი, არამედ საზოგადოებრივი მნიშვნელობის ფუნქციები“, - განაცხადა ევა ბოგაჩ-ვოიტანოვსკიმ.

თსუ-ის ინფორმაციით, კვლევის შედეგების პრეზენტაციის შემდეგ კვლევის ავტორებმა - ნინო ლაპიაშვილმა (“ასოცირების შეთანხმების გამოყენება საქართველოს სასამართლოების პრაქტიკაში”), მარიამ ჯაშმა და ვახტანგ ჭარაიამ (“აღმოსავლეთის პარტნიორობის ინიციტიავის როლი საქართველოს ეკონომიკურ განვითარებაში”) უპასუხეს აუდიტორიის შეკითხვებს და გაიმართა თემატური დისკუსია ღონისძიების მონაწილეებთან.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით