სენაკში, ჩხოროწყუსა და მარტვილში 2022 წლის ბიუჯეტი დაამტკიცეს

ზუგდიდისა და ბათუმის საკრებულოების გარდა, 2022 წლის ბიუჯეტი ძველი მოწვევის საკრებულოებმა სენაკის, მარტვილისა და ჩხოროწყუს მუნიციპალიტეტებშიც დაამტკიცეს.

ოპოციზიცია მოითხოვდა, 2020 წლის ბიუჯეტი ახალი მოწვევის საკრებულოებს განეხილა და დოკუმენტი საერთო კონსენსუსის გზით მიეღოთ.

მარტვილის საკრებულოს სხდომაზე, სადაც მომავალი წლის ბიუჯეტი განიხილებოდა, ხმაური იყო. ოპოზიციის წევრების შეფასებით, ხელისუფლებას ბიუჯეტი საკუთარ საჭიროებებზე აქვს მორგებული და ის მოსახლეობისთვის არავითარ სარგებელს არ მოიტანს.

რიგგარეშე სხდომაზე მომავალი წლის ბიუჯეტი დაამტკიცა ჩხოროწყუს მუნიციპალიტეტის საკრებულომაც. დოკუმენტი 10 მილიონ 604 ათასი ლარით განისაზღვრა.

მომავალი წლის ბიუჯეტი დაამტკიცეს სენაკშიც. სხდომას სენაკის მუნიციპალიტეტის საკრებულოს თავმჯდომარის მოვალეობის შემსრულებელი ბადრი კალანდარიშვილი უძღვებოდა.

შეგახსენებთ, ზუგდიდის სამხარეო ადმინისტრაციის შენობაში 2022 წლის ბიუჯეტის პროექტის კენჭისყრის პროცესი ხმაურით დაიწყო. სხდომის დაწყების დროს დარბაზში ოპოზიციის წევრები შევიდნენ და პროტესტის ნიშნად, სხდომის ჩაშლა ხმაურით სცადეს. ოპოზიციის წევრები აცხადებდნენ, რომ „ქართული ოცნება“ ბიუჯეტის პროექტს წინა მოწვევის საკრებულოს წევრებით უყრიდა კენჭს, რაც კანონდარღვევა იყო. ოპოზიციის წევრები დარბაზიდან პოლიციის მეშვეობით გაიყვანეს. საბოლოოდ, ზუგდიდის საკრებულომ 2022 წლის ბიუჯეტი ხმაურის ფონზე დაამტკიცა. მუნიციპალიტეტის მთავარი საფინანსო დოკუმენტის დამტკიცება მოსახლეობას ახლად არჩეულმა მერმა მამუკა წოწერიამ მიულოცა. მისი შეფასებით, დღევანდელი გადაწყვეტილება ლეგიტიმურია.

ხმაურისა და ოპოზიციის პროტესტის ფონზე დაამტკიცა მომავალი წლის ბიუჯეტი ბათუმის საკრებულომაც. ქალაქის 2020 წლის ბიუჯეტი 252 მილიონ ლარს შეადგენს. ბათუმის მომავალი წლის ბიუჯეტს მხარი საკრებულოს 25 დეპუტატიდან 14-მა დეპუტატმა დაუჭირა. საკრებულოს დღევანდელ სხდომას არ ესწრებოდნენ ოპოზიციური პარტიების წარმომადგენლები, რომლებიც აცხადებდნენ, რომ წინა მოწვევის საკრებულოს არ აქვს უფლება ბიუჯეტთან დაკავშირებით გადაწყვეტილება მიიღოს. ამასთან, სხდომის მიმდინარეობისას ბათუმის საკრებულოს სხდომათა დარბაზში ოპოზიციონერმა დეპუტატმა მირდატ ქამადაძემ სპეციალური ნივთიერება გაუშვა, რის გამოც სხდომა შეწყდა და დეპუტატებს დარბაზის დატოვება მოუწიათ. ქადამაძეს საკრებულოს ტერიტორია სამართალდამცველებმა ძალის გამოყენებით დაატოვებინეს.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება