გაერთიანებულ სამეფოში კორონავირუსის ე.წ სამხრეთ აფრიკული შტამით ,,ომიკრონით“ ინფიცირების შემთხვევების დაფიქსირების გამო კოვიდშეზღუდვები მკაცრდება.
ინფორმაციას BBC გაერთიანებული სამეფოს პრემიერ-მინისტრის, ბორის ჯონსონის განცხადებაზე დაყრდნობით ავრცელებს.
ქვეყანაში ნიღბების ტარება მაღაზიებსა და საზოგადოებრივ ტრანსპორტში სავალდებულო ხდება.
,,შემდეგი კვირიდან ინგლისში, მაღაზიებსა და საზოგადოებრივ ტრანსპორტში სახის დაფარვა სავალდებულო გახდება ახალი კორონავირუსის ვარიანტთან, ომიკრონთან გასამკლავებლად“ , - აღნიშნა ბორის ჯონსონმა.
მისი თქმით, ნებისმიერი ადამიანისთვის, ვინც გაერთიანებულ სამეფოში შევა PCR ტესტის ჩატარება და თვითიზოლაცია სავალდებულო გახდება. ასევე ყველა საეჭვო კონტაქტი, მიუხედავად იმისა აცრილები არიან ისინი თუ არა , უნდა გადავიდნენ იზოლაციაში.
ასევე, ბრიფინგზე გაერთიანებული სამეფოს ჯანდაცვის მდივანს დაევალა ვაქცინის მეორე დოზასა და ,,ბუსტერ“ დოზას შორის პერიოდის შემცირების საკითხის განხილვა.
შეგახსენებთ, გაერთიანებულ სამეფოში ინფიცირების ორი შემთხვევა გამოვლინდა.