შვეიცარიაში ჩატარებული რეფერენდუმის შედეგების თანახმად, ქვეყნის მოსახლეობამ კოვიდ საშვების გაუქმებას მხარი არ დაუჭირა.

კერძოდ, მოსახლეობის 62%-მა დადებითი პასუხი გასცა შეკითხვას იმის შესახებ, უნდა დარჩეს თუ არა სექტემბერში შემოღებული კოვიდ საშვები ძალაში.

კვირას ჩატარებული რეფერენდუმი ქვეყნის კანონმდებლობაში ცვლილების შეტანის მცდელობის მიზნით ჩატარდა, რომელიც საზოგადოებრივ ადგილებში, მათ შორის ბარებსა და რესტორნებში, შესვლის უფლებას მხოლოდ კოვიდ მოწმობის მფლობელი მოქალაქეების, ანუ სრულად ვაქცინირებულ, კოვიდ 19-სგან განკურნებულ ან კორონავირუსზე ჩატარებული ტესტის უარყოფითი პასუხის მქონე პირების დაშვებას ითვალისწინებს. რეფერენდუმი კოვიდ მოწმობების მოწინააღმდეგეების მიერ წარდგენილი პეტიციის საფუძველზე ჩატარდა, რომელსაც ხელი 187 000 მოქალაქემ მოაწერა.