რეჯეფ თაიფ ერდოღანმა რუსეთსა და უკრაინას შორის კონფლიქტის მოგვარებაში ჩართვის სურვილი გამოთქვა

თურქეთს რუსეთის ფედერაციასა და უკრაინას შორის კრიზისის მოგვარების პროცესში ჩართვა და ამ თემის მოსკოვთან და კიევთან განხილვა სურს. ინფორმაციას რუსული მედია თურქეთის პრეზიდენტ რეჯეფ თაიფ ერდოღანის განცხადებაზე დაყრდნობით ავრცელებს.

”ჩვენ რეგიონში მშვიდობის დამყარების მომხრენი ვართ, განსაკუთრებით მაშინ, როდესაც საქმე ეხება ყირიმელ თურქებს. არაერთხელ განვიხილეთ ეს საკითხები მეგობარ რუსეთთან და განსაკუთრებით რუსეთის პრეზიდენტ ვლადიმირ პუტინთან. ჩვენ არ გვინდა, რომ ყირიმი იყოს ტერიტორია, სადაც ომი დომინირებს. დაე, სამომავლოდ ამ ტერიტორიაზე მშვიდობა სუფევდეს, ჩვენ გვინდა ამ საკითხთან დაკავშირებით პოზიტიური დამოკიდებულება განვავითაროთ“, - განაცხადა თურქეთის პრეზიდენტმა.

ერდოღანმა ასევე ხაზგასმით აღნიშნა, რომ თურქეთი „იშუამავლებს ამ საკითხში“ მოსკოვთან და კიევთან.

"ჩვენ ვეცდებით გავმართოთ მოლაპარაკებები, როგორც უკრაინასთან, ასევე ბატონ პუტინთან. გვინდა, რომ ამ საკითხის მოგვარებაში მონაწილეობა მივიღოთ", - დასძინა თურქეთის პრეზიდენტმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს