ოთარ კახიძე ზურაბ ზვიადაურის გირაოთი გათავისუფლებაზე - ძალიან უცნაურია, როცა დანერგილი პრაქტიკისგან განსხვავებულ გადაწყვეტილებას იღებენ, როდესაც ბრალდებული ხელისუფლებასთან დაახლოვებული პირია

ძალიან უცნაურია, როცა დანერგილი პრაქტიკისგან განსხვავებულ გადაწყვეტილებას იღებენ, როდესაც ბრალდებული ხელისუფლებასთან დაახლოვებული პიროვნებაა, - ამის შესახებ „ევროპული საქართველოს“ წევრმა, ოთარ კახიძემ განაცხადა, რითაც გამოეხმაურა გირაოს სანაცვლოდ ზურაბ ზვიადაურის სასამართლო დარბაზიდან გათავისუფლების ფაქტს.

როგორც კახიძემ აღნიშნა, ეს ფაქტი აღძრავს სერიოზულ ლეგიტიმურ კითხვებს საზოგადოებაში ამ გადაწყვეტილების სამართლიანობასთან დაკავშირებით.

„ზოგადად, წინასწარი პატიმრობის მიზანია, რომ თავიდან იქნას აცილებული ბრალდებულის მიმალვა, მტკიცებულებების განადგურება ან მის მიერ ახალი დანაშაულის ჩადენა. როდესაც საუბარია ასეთ მძიმე დანაშაულზე, რასაც ადამიანის სიცოცხლის ხელყოფა მოჰყვა, ამ დროს ახალი დანაშაულის ჩადენის საფრთხე არის ზოგადად მაღალი და პროკურატურა უნდა ითხოვდეს პატიმრობის გამოყენებას. ეს არის ზოგადად სტანდარტი, რაც აქვს ქართულ სასამართლოს და ძალიან უცნაურია, როცა ამ პრაქტიკისგან განსხვავებულ გადაწყვეტილებას იღებენ, როდესაც ბრალდებული არის ხელისუფლებასთან დაახლოვებული პიროვნება. მით უმეტეს საგანგაშოა, როცა, კიდევ ერთხელ ხაზს ვუსვამ, როცა დანაშაული არა საკუთრებისკენაა მიმართული ან რაიმე შედარებით მსუბუქი დანაშაულია, არამედ არის ადამიანის სიცოცხლისკენ მიმართული ქმედება. ბუნებრივია, რომ ეს აღძრავს სერიოზულ ლეგიტიმურ კითხვებს საზოგადოებაში ამ გადაწყვეტილების სამართლიანობასთან დაკავშირებით", - განაცხადა კახიძემ.

ცნობისთვის, სასამართლოს გადაწყვეტილებით, ზურაბ ზვიადაური 50 000-ლარიანი გირაოს სანაცვლოდ, სასამართლო დარბაზიდან გათავისუფლდა.

შემთხვევა, სოფელ წინანდლის ტყეში მიმდინარე წლის 16 აგვისტოს მოხდა. ორმხრივი სროლის დროს დაიჭრა 5 პირი, მათ შორის 3 გარდაიცვალა. გარდაცვლილთაგან ერთი ყოფილი დეპუტატის და ოლიმპიური ჩემპიონის ზურაბ ზვიადაურის ძმა ზვიად ზვიადაური იყო.

კახეთის პოლიციის დეპარტამენტის თანამშრომლებმა ფაქტზე ორი პირი დააკავეს, ზურაბ ზვიადაურს საგამოძიებო უწყება განზრახ მკვლელობას ედავება, ხოლის ჯაბა ჯანგირაშვილი იარაღის დაუდევრად შენახვას.

ვიტალი ბალა - კიევისთვის უკრაინა-რუსეთის ომში ჩინეთის მოდერატორობა მიუღებელია
ქართული პრესის მიმოხილვა 20.03.2023
ლევან ლორთქიფანიძე - აშკარაა, რომ „ქართული ოცნება“ კონსერვატიულად და ევროსკეპტიკურად განწყობილი ამომრჩევლის ხარჯზე აპირებს მომავალ არჩევნებზე წარმატების მოპოვებას
ჯანმოს ახალ ინიციატივებს ჯანდაცვის ექსპერტები აკრიტიკებენ
პირველად საქართველოში, ბაზისბანკმა, სუბორდინირებული კორპორატიული სავალო ფასიანი ქაღალდი წარმატებით განათავსა
Bolt და Visa-ს ერთობლივი კამპანია დაიწყო
TNET-მა საქართველოში პირველი Super app წარადგინა
Golden Tulip Design Tbilisi საქართველოში პირველი სასტუმროა, რომელიც NFT პლატფორმაზე იქნება წარმოდგენილი
საქართველოში სრულიად ახალი კონცეფციის მქონე დეველოპერული კომპანია შეიქმნა
Apple-მა თვალისმომჭრელ ყვითელ ფერში ახალი iPhone 14 და iPhone 14 Plus-ი წარმოადგინა