აზერბაიჯანში, გასული დღე - ღამის განმავლობაში, კორონავირუსით დაინფიცირების 857 ახალი შემთხვევა დაფიქსირდა და 26 ადამიანი გარდაიცვალა. ინფორმაციას ადგილობრივი მედია ავრცელებს.
პანდემიის დაწყების დროიდან ქვეყანაში კორონავირუსით ინფიცირების 586 640 შემთხვევა გამოვლინდა, აქედან 552 815 პაციენტი გამოჯანმრთელდა, 7 833 კი - გარდაიცვალა.
ბოლო მონაცემებით, აზერბაიჯანში კორონავირუსის საწინააღმდეგო ვაქცინის ორივე დოზით მოსახლეობის 45.7%-ია აცრილი.