ამერიკულმა კომპანია Pfizer-მა, კორონავირუსის ახალი „ომიკრონ“ შტამის გაჩენის ფონზე, უკვე დაიწყო ახალი ვაქცინის შემუშავება, რომლის შექმნაც 100 დღეზე ნაკლებ პერიოდში იგეგმება. ამის შესახებ კომპანიის ხელმძღვანელმა ალბერტ ბურლამ განაცხადა.
მისი თქმით, არსებობს ალბათობა, რომ არსებული ვაქცინები ახალ შტამთან საბრძოლველად ნაკლებად ეფექტური იყოს.
„ჩვენ უკვე დავიწყეთ პარასკევიდან. უკვე გავაკეთეთ დნმ-ს მატრიცა, რომელიც არის ახალი ვაქცინის შემუშავების პროცესის პირველი ნაწილი. ბევრჯერ განვაცხადეთ, რომ შევძლებთ ვაქცინის მიღებას 100 დღეზე ნაკლებ პერიოდში“ , - განაცხადა ბურლამ ტელეკომპანია CNBC -ის ეთერში საუბრისას.