აშშ-ში „ბუსტერ“ დოზით აცრისკენ 18 წლის ასაკიდან ყველა მოქალაქეს მოუწოდებენ
აშშ-ის დაავადებათა კონტროლისა და პრევენციის ცენტრის განცხადებით, კოვიდ 19-ის საწინააღმდეგო ვაქცინის ე.წ. „ბუსტერ“ დოზით 18 წლის ასაკიდან ყველა მოქალაქე უნდა აიცრას.
„უწყება უფრო ფრთხილ პოზიციას იჩენს, რადგან „ომიკრონის“ გაჩენა კიდევ უფრო ხაზს უსვამს ვაქცინაციისა და „ბუსტერების“ მნიშვნელობას,“ - განაცხადა აშშ-ის დაავადებათა კონტროლისა და პრევენციის ცენტრის დირექტორმა როშელ ვალენსკიმ.
დაავადებათა კონტროლისა და პრევენციის ცენტრის რეკომენდაციას წინ უძღოდა აშშ-ის პრეზიდენტის, ჯო ბაიდენის განცხადება, რომელმაც მოსახლეობას, ახალი, „ომიკრონ“ ვარიანტის გავრცელების პრევენციის მიზნით ვაქცინაციისკენ მოუწოდა.
