თუ გვსურს მშვიდობა, სტაბილურობა და კეთილდღეობა, ჩვენს მეზობლებთან ერთად უნდა ვიმუშაოთ. აღმოსავლეთ პარტნიორობა ამ მარტივ ჭეშმარიტებას 12 წელზე მეტია მოწმობს, - ამის შესახებ ევროპული საბჭოს პრეზიდენტმა შარლ მიშელმა განაცხადა.

„მნიშვნელოვანი პროგრესის მიღწევა მოხდა: საარჩევნო სისტემის გაუმჯობესება, ადმინისტრაციების რეფორმირება, სასამართლო სისტემის დამოუკიდებლობის გაზრდა და კორუფციის დევნა.

მაგრამ ყველამ ვიცით, გამოწვევები ჯერ კიდევ არსებობს. დემოკრატიის გაძლიერება, კორუფციის წინააღმდეგ ბრძოლა და კანონის უზენაესობის დაცვა თავისუფალი მედიის არსებობის და დეზინფორმაციასთან დაპირისპირების გარანტიას იძლევა,“- აღნიშნა შარლ მიშელმა.

მისი თქმით, ამ პროცესში სამოქალაქო საზოგადოებამ მნიშვნელოვანი როლი შეასრულა და ასრულებს.

„უნდა გააგრძელოთ წინსვლა და თქვენი ხმა ყველას გააგონოთ,“- აღნიშნა შარლ მიშელმა.