აზერბაიჯანში სამხედრო ვერტმფრენმა კატასტროფა განიცადა, დაიღუპა 14 ადამიანი
აზერბაიჯანში, საწვრთნელი ფრენის დროს სასაზღვრო სამსახურის ვერტმფრენმა კატასტროფა განიცადა, რის შედეგადაც დაიღუპა 14 და დაშავდა 2 ადამიანი, - ინფორმაციას ადგილობრივი მედია ავრცელებს.
„ჩვენი ვერტმფრენი ავარიულად დაეშვა გარეჰეიბათის საავიაციო პოლიგონზე სავარჯიშო ფრენების შესრულებისას", - განაცხადა სახელმწიფო სასაზღვრო სამსახურის უფროსის მოადგილემ ილჰამ მეჰდიევმა.
კატასტროფის მიზეზი ჯერჯერობით უცნობია. მომხდართან დაკავშირებით აზერბაიჯანის გენერალურმა პროკურატურამ სისხლის სამართლის საქმე აღძრა.
