„საპარტნიორო ფონდის“ ხელმძღვანელი, დავით საგანელიძე პრემიერ-მინისტრს ფონდის რეფორმირების ინიცირებისთვის მადლობას უხდის.
მისი თქმით, ფონდის რეორგანიზაციას ის 2016 წლიდან ითხოვდა, თუმცა, წინა პრემიერების მოუცლელობის გამო ეს ვერ მოხერხდა.
„ეს არ იყო წინა პრემიერების სისუსტე, მიზეზი მათი მოუცლელობა იყო, თუმცა, ისინიც მიიჩნევდნენ, რომ ფონდს რეორგანიზაცია სჭირდება. არცერთ წინა პრემიერს გულგრილობაში არ დავადანაშაულებ, ან საკითხის ვერ დანახვაში, მაგრამ ვერ მოიცალეს ამ თემებისთვის. ვფიქრობ, ფონდი დაკარგულს აანაზღაურებს, თუ ჩვენ სწორი ფორმით რეფორმირებას მოვახდენთ. განსაკუთრბული მადლობა მინდა გადავუხადო პრემიერ-მინისტრს, ბატონ ირაკლი ღარიბაშვილს, რომლის ინიციატივით დღის წესრიგში უკვე დადგა ფონდის რეფორმირების საკითხი. ასევე ქალბატონ ნათია თურნავას, რომელმაც ძალიან კარგად იცის ფონდის სტრუქტურა და ის საჭიროებები რაც ფონდისთვის აუცილებელია შემდგომი ეფექტური მუშაობისთვის“, - განაცხადა დავით საგანელიძემ.