დენის შმიგალი - ძალიან მნიშვნელოვანია, რომ პარტნიორობა განვითარდეს მიღწეული წინსვლის საფუძველზე და არსებული სისუსტეები გამოსწორდეს

ჩვენ აუცილებლად უნდა გავაძლიეროთ გეოპოლიტიკური პოზიცია და ნათელი გზავნილი მივცეთ იმ ქვეყნებს, რომლებსაც სურთ, კიდევ მეტი გააკეთონ მათ ურთიერთობებში ევროკავშირთან, - ამის შესახებ უკრაინის პრემიერ-მინისტრმა დენის შმიგალმა, ასოცირებული ტრიოს ფორმატში გამართულ ბრიფინგზე, ბრიუსელში განაცხადა.

მისი თქმით, ძირითადი რეფორმების განხორციელების ფარგლებში წინსვლა არის კიდევ უფრო ხელშესახები, ვიდრე ადრე იყო და ეს უნდა იყოს ასახული ევროკავშირის მიდგომებში, დახმარების პაკეტებში.

„კოლეგებო, ჩემთვის დიდი პატივია, რომ მაქვს ეს შესაძლებლობა, რომ თქვენ პირადად გესაუბროთ და შევაჯამო ჩვენი ერთობლივი ვიზიტის შედეგები საქართვლოს და მოლდოვის პრემიერ-მინისტრებთან ერთად. ძალიან მნიშვნელოვანი დღე იყო ასოცირებული ტრიოსთვის. ეს არის ინიციატივა, სადაც ჩვენ გავცვალეთ აზრები შემდგომი განვითარების მიმართულებით. ასოცირებული ტრიო შეხვდა ევროკომისიის პრეზიდენტს, ევროპული საბჭოს პრეზიდენტს, ბატონ შარლ მიშელს და ევროპული პარლამენტის თავმჯდომარეს ბატონ სასოლის.

მადლობელი ვარ ევროპელი პარტნიორების, იმ ღია და გახსნილი საუბრისთვის, რაც მრავალი მიმართულებით გაიშალა ასოცირებული ტრიოს ფარგლებში. ასოცირებული ტრიოს ინიციატივა მიზნად ისახავს აღმოსავლეთ პარტნიორობის გაძლიერებას და მდგრადობას, იმისათვის, რომ ინკლუზიურობის, დიფერენცირების და მეტი მეტისთვის მიდგომის მიზნების მისაღწევად. ძალიან მნიშვნელოვანია, რომ ეს პარტნიორობა განვითარდეს მიღწეული წინსვლის საფუძველზე და არსებული სისუსტეები გამოსწორდეს და მოგვარდეს. აღმოსავლეთ პარტნიორობის არსებული მდგომარეობა მოსალოდნელი სამიტის წინ აჩვენებს, რამდენად დიდია სტრატეგიული მიზნების მიღწევის აუცილებლობა ამ ინიციატივის ფარგლებში. ჩვენ აუცილებლად უნდა გავაძლიეროთ გეოპოლიტიკური პოზიცია და ნათელი გზავნილი მივცეთ იმ ქვეყნებს, რომლებსაც სურთ, კიდევ მეტი გააკეთონ მათ ურთიერთობებში ევროკავშირთან. ტრიოს თანამშრომლობის დღის წესრიგი გააძლიერებს აღმოსავლეთ პარტნიორობის ინსტრუმენტებს და არ ჩაანაცვლებს არსებულ ინიციატივებს. ძალიან მნიშვნელოვანია, რომ მივიღოთ დადებითი შეფასება იმ ძალისხმევისა, რომელიც ტრიომ სამიტამდე განახორციელა. წინსვლა ძირითადი რეფორმების განხორციელების ფარგლებში არის გარკვეულწილად კიდევ უფრო ხელშესახები, ვიდრე ადრე იყო და ეს უნდა იყოს ასახული ევროკავშირის მიდგომებში, დახმარების პაკეტებში. ჩვენ მივესალმებით იმ შემოთავაზებას, რომელიც ეკონომიკურ და საინვესტიციო გეგმას გულისხმობს და მოუთმენლად ველით გამოცხადებული ეკონომიკური და საინვესტიციო გეგმის დამტკიცებას ჩვენი ქვეყნებისთვის და მზად ვართ, ვითანამშრომლოთ პარტნიორთან ერთად იმისათვის, რომ ახალი ფლაგმანური ინიციატივები წამოვაყენოთ და ძალიან კონკრეტული პროექტები განვახორციელოთ ხელშესახები სარგებლის მოსატანად ჩვენი მოსახლეობისთვის", - განაცხადა დენის შმიგალმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს