ჯანმო „ომიკრონ“ ვარიანტის გავრცელების გამო მოგზაურობასთან დაკავშირებით ახალ რეკომენდაციებს ავრცელებს

ჯანდაცვის მსოფლიო ორგანიზაცია იმ პირებს, რომლებიც მიმდინარე სადღესასწაულო სეზონზე საზღვარგარეთ გამგზავრებას გეგმავენ, რეკომენდაციებით მიმართავს.

ორგანიზაციაში აცხადებენ, რომ სანამ კორონავირუსის ახალი, „ომიკრონ“ ვარიანტის შესახებ სამეცნიერო კვლევა მიმდინარეობს იმის დასადგენად, თუ როგორ მოქმედებს ის, კორონავირუსის მიმართ დაუცველმა ადამიანებმა, მათ შორის 60 წელზე უფროსი ასაკის პირებმა, მოგზაურობა უნდა გადადონ.

„პირებს, რომლებიც თავს კარგად არ გრძნობენ, არ არიან სრულად ვაქცინირებული ან კორონავირუსი არ გადაუტანიათ და დაავადების მძიმე ფორმის განვითარებისა და სიკვდილის რისკის ქვეშ არიან, მათ შორის 60 წელზე უფროსი ასაკის ადამიანები ან თანმხლები დაავადებების მქონე პირები (მაგ. გულის დაავადება, კიბო და დიაბეტი) უნდა მივცეთ რეკომენდაცია, რომ გადადონ მგზავრობა იმ ადგილებში, სადაც საზოგადოებაში ვირუსის გავრცელება ხდება“, - ნათქვამია ჯანმო-ს განცხადებაში.

ორგანიზაციაში აცხადებენ, რომ მოსალოდნელია, „ომიკრონ“ ვარიანტით დაინფიცირების შემთხვევების მსოფლიოს კიდევ უფრო მეტ ქვეყანაში დაფიქსირება.

„ჯანმო ყურადღებით აკვირდება Omicron-ის ვარიანტის გავრცელებას და მიმდინარეობს კვლევები ამ მუტაციების შესახებ მეტის გასაგებად და მათი გავლენის შესახებ გადაცემაზე, ვირულენტობაზე, დიაგნოსტიკაზე, თერაპიულ საშუალებებსა და ვაქცინებზე.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის