თურქეთი მხარს უჭერს ნატო-ს გაფართოებას, თურქეთი მხარს უჭერს სხვა მეზობელი ქვეყნების ალიანსში გაწევრიანებას, - ამის შესახებ თურქეთის საგარეო საქმეთა მინისტრმა, მევლუთ ჩავუშოღლუმ განაცხადა.

კითხვაზე, რა აზრის არის იმ აგრესიაზე, რასაც რუსეთი ამჟამად უკრაინის მიმართ ახორციელებს, მევლუთ ჩავუშოღლუმ უპასუხა, რომ ის ესაუბრა როგორც რუსეთის, ასევე უკრაინის საგარეო საქმეთა მინისტრებს, სერგეი ლავროვსა და დიმიტრი კულებას, პარასკევს კი თურქეთის პრეზიდენტი რუს კოლეგასთან, ვლადიმერ პუტინთან საუბარს გეგმავს.

„ჩვენ კავშირში ვართ ორივე მხარესთან და მოვუწოდებთ სიმშვიდისა და დეესკალაციისკენ,“- აღნიშნა თურქეთის საგარეო საქმეთა მინისტრმა.