უკრაინა და საქართველო ნატო-ს უახლოეს პარტნიორებს შორის არიან, რომლებსაც ნატო-ს მისიებსა და ოპერაციებში წვლილი შეაქვთ და ალიანსის წევრობისკენ მიისწრაფვიან, - ამის შესახებ ნატო-ს გენერალურმა მდივანმა იენს სტოლტენბერგმა ჩრდილოატლანტიკური საბჭოს სესიის გახსნაზე განაცხადა, რომელზედაც საქართველოსა და უკრაინის საგარეო საქმეთა მინისტრები, დავით ზალკალიანი და დიმიტრი კულება არიან მიწვეული.
„ალიანსი ბუქარესტის სამიტზე მიღებული გადაწყვეტილების ერთგული რჩება და ასევე ერთგული ვრჩებით აღმოვუჩინოთ საქართველოსა და უკრაინას პოლიტიკური და პრაქტიკული მხარდაჭერა“, - აღნიშნა სტოლტემბერგმა.
მან ხაზი გაუსვა, რომ ბრიუსელში, ივნისში გამართულ სამიტზე ნატო-ს წევრებმა გამოხატეს საქართველოსა და უკრაინის სუვერენიტეტისა და ტერიტორიული მთლიანობის მიმართ მტკიცე მხარდაჭერა.