„ევროპული საქართველოს“ წევრის გიორგი ნონიაშვილის განცხადებით, საქართველო „ინტერ რაოსთან“ მრავალმილიონიანი დავის წაგებისას არაკვალიფიციური და მავნებელი ხელისუფლების შედეგებს იმკის.

ამასთან, როგორც ნონიაშვილმა ჟურნალისტებს განუცხადა, აღნიშნული საკითხი გულისხმობს უშუალოდ ადამინებისთვის ზარალს, რადგან სახელმწიფომ ბიუჯეტიდან უნდა გადაიხადოს ათეულობით მილიონი, რომელიც შეიძლებოდა სულ სხვა პრიორიტეტებსა და მიზნებს მოხმარებოდა.

„ეს სასამართლო დავა კიდევ ერთხელ აჩვენებს თუ რა შედეგებს ვიმკით ამ ხელისუფლების პირობებში, იგივე ეკონომიკურ პოლიტიკასთან დაკავშირებით, ენერგეტიკულ პოლიტიკასთან დაკავშირებით, ბიზნეს ურთიერთობებში, როგორც ადგილობრივ, ასევე საერთაშორისო დონეზე. ეს უშუალოდ გულისხმობს ადამიანებისთვის ზარალს, იმიტომ რომ სახელმწიფომ ბიუჯეტიდან უნდა გადაიხადოს ათეულობით მილიონი, რომელიც შეიძლებოდა სულ სხვა პრიორიტეტებსა და მიზნებს მოხმარებოდა. ამავდროულად ამ სასამართლო დავაში მნიშვნელოვანია, რომ ეს არის შედეგი, მათ შორის, რაზეც დაობენ სინამდვილეში საქართველოს არასწორი ეკონომიკური პოლიტიკის, ლარის გაუფასურებისა და ინფლაციისა, რამაც გამოიწვია შემდეგი დავები საქართველოსა და ინტერაოს შორის”, - განაცხადა ნონიაშვილმა.