რუსული მედია - „ინტერ-რაომ“ საქართველოს ხელისუფლებას სტოკჰოლმის საარბიტრაჟო სასამართლოში დავა მოუგო - ქართულ მხარეს 80 მლნ დოლარის გადახდა მოუწევს
რუსული მედიის ინფორმაციით, რუსულმა კომპანია „ინტერ-რაომ“ საქართველოს ხელისუფლებას სასამართლოში დავა მოუგო.
მათივე ინფორმაციით, სტოკჰოლმის საარბიტრაჟო სასამართლოს გადაწყვეტილებით, ქართულ მხარეს რუსული მხარის სასარგებლოდ არანაკლებ 80 მილიონი დოლარის გადახდა მოუწევს. სარჩელი „ინტერ-რაოს“ შვილობილმა კომპანიებმა შეიტანეს და ისინი საქართველოს ხელისუფლებისგან 125 მილიონი ლარის ოდენობის კომპენსაციას ითხოვდნენ.
რუსულ კომპანიაში აცხადებენ, რომ საქართველოს მთავრობის არაერთმა გადაწყვეტილებამ უარყოფითი გავლენა მოახდინა მათ ინვესტიციებზე. კერძოდ, სარჩელში საუბარია, რომ 2014 წელს ენერგეტიკის მარეგულირებელმა ეროვნულმა კომისიამ მიიღო გადაწყვეტილება ელექტროენერგიის ტარიფის გამოთვლის გადახედვის შესახებ, რომელიც არ მოიცავდა ლარის გაუფასურებით გამოწვეული ზარალის ანაზღაურების გარანტიას. ეს ყველაფერი კი, „ინტერ-რაოს“ მტკიცებით, 2013 წელს მხარეებს შორის გაფორმებულ ხელშეკრულებებს ეწინააღმდეგებოდა.
v-if="article.gallery" v-html="article.gallery"
