სლოვაკეთის მხარდაჭერა უკრაინისა და საქართველოს ტერიტორიული მთლიანობის, სუვერენიტეტისა და ევროატლანტიკური მისწრაფებების მიმართ ურყევი რჩება, - ამის შესახებ სლოვაკეთის საგარეო საქმეთა მინისტრი ივან კორჩოკი „ტვიტერში“ წერს.

მისი თქმით, ნატო-ს წევრმა ქვეყნებმა ასპირანტი ქვეყნებისთვის, უკრაინისა და საქართველოსთვის მეტი უნდა გააკეთონ.

„ჩვენს აღმოსავლეთ სამეზობლოში მიმდინარე მოვლენებმა უნდა მოგვცეს მოტივაცია, მეტი გავაკეთოთ ჩვენი ასპირანტი ქვეყნებისთვის უკრაინისა და საქართველოსთვის. სლოვაკეთის მხარდაჭერა უკრაინისა და საქართველოს ტერიტორიული მთლიანობის, სუვერენიტეტისა და ევროატლანტიკური მისწრაფებების მიმართ ურყევი რჩება,“- წერს სლოვაკეთის საგარეო საქმეთა მინისტრი.