აშშ-ის სახელმწიფო მდივანი ენტონი ბლინკენი, რომელიც ლატვიის დედაქალაქ რიგაში ნატო-ს მინისტერიალს ესწრება, აცხადებს, რომ აშშ შეშფოთებულია უკრაინის წინააღმდეგ რუსეთის აგრესიული ქმედებებით.
„ჩვენ რუსეთის მხრიდან ასეთი ქცევა ადრეც გვინახავს, 2014 წელს, როდესაც ის შეიჭრა უკრაინაში. მაშინაც, როგორც ახლა, მათ მნიშვნელოვანად გაზარდეს სამხედრო ძალების რაოდენობა საზღვრებთან. მათ ასევე გაააქტიურეს დეზინფორმაცია, რათა უკრაინა აგრესორად წარმოაჩინონ. და ეს გამოიყენონ წინაპირობად წინასწარ დაგეგმილი სამხედრო ოპერაციისთვის”,-განაცხადა მან.
ბლინკენის თქმით, ნატო ასევე მზად არის, აღმოსავლეთ ფლანგზე თავდაცვა გააძლიეროს და რუსეთს მძიმე საფასური დაუწესოს თუ ის კვლავ გამოიყენებს აგრესიას უკრაინის წინააღმდეგ.
„აშშ-ის მხარდაჭერა უკრაინის ტერიტორიული მთლიანობისა და სუვერენიტეტისადმი ურყევია. მოვუწოდებთ, უკრაინას, თავშეკავება გამოიჩინოს, რადგან რუსეთის მიზანია, საბაბად მოიყვანოს პროვოკაცია, რასაც უკვე დიდი ხანია, გეგმავს“, – განაცხადა ბლინკენმა.