უკრაინის დედაქალაქ კიევის ცენტრში პრეზიდენტს ვლადიმირ ზელენსკის პოლიტიკის წინააღმდეგ და მისი გადადგომის მოთხოვნით საპროტესტო აქცია გაიმართა.
ადგილობრივი მედიის ცნობით, აქციაში 2000-მდე ადამიანი მონაწილეობდა.
დემონსტრანტები ჯერ მაიდანზე შეიკრიბნენ. შემდეგ კი პრეზიდენტის ადმინისტრაციისა და რადას შენობებთან გადაინაცვლეს. მსვლელობისას მომიტინგეები სკანდირებდნენ: "ზელენსკი - წადი!". მათ ეჭირათ უკრაინის დროშები, პარტიებისა და ორგანიზაციების დროშები, ასევე პლაკატები წარწერებით : "გაეთრიე აქედან", "უკრაინა არ მოითმენს ღალატს".
აქციის მონაწილეები ასევე მოითხოვდნენ ვადამდელი საპარლამენტო არჩევნების ჩატარებას და პრეზიდენტის ადმინისტრაციის ხელმძღვანელის, ანდრეი ერმაკის გათავისუფლებას.
აქციაზე სამართალდამცავები იყვნენ მობილიზებული.
იხილეთ ვიდეო:კიევში, ვლადიმირ ზელენსკის გადადგომის მოთხოვნით, საპროტესტო აქცია გაიმართა