ალეკ ბოლდუინი - ჩახმახისთვის ხელი არ გამომიკრავს, არასდროს, არავისკენ მივმართავდი იარაღს
ჰოლივუდის მსახიობი ალეკ ბოლდუინი აცხადებს, რომ გადასაღებ მოედანზე იარაღის სასხლეტისთვის ხელი არ გამოუკრავს.
„ჩახმახისთვის ხელი არ გამომიკრავს. არასდროს არავისკენ მივმართავდი იარაღს და ჩახმახს არ გამოვკრავდი, არასოდეს“, - განაცხადა ბოლდუინმა ABC-სთან ინტერვიუში, რომლის ნაწყვეტიც დღეს გამოქვეყნდა.
ინტერვიუს დროს, რომლის სრული ვერსია მოგვიანებით გავრცელდება, ალეკ ბოლდუინი ძალიან ემოციურად საუბრობს და ტირის.
შეგახსენებთ, გასულ თვეში აშშ-ში, ნიუ-მექსიკოს შტატში, ვესტერნის გადასაღებ მოედანზე, ალეკ ბოლდუინის მიერ ცეცხლსასროლი იარაღიდან გასროლის შედეგად 42 წლის ოპერატორი დაიღუპა, რეჟისორი კი - დაიჭრა. მომხდარზე გამოძიება მიმდინარეობს.
