ინგლისსა და შოტლანდიაში, ქარიშხალ „არვენის“ გამო, 30 000-მდე ადამიანი კვლავ ელექტროენერგიის გარეშეა დარჩენილი, - ინფორმაციას „ევრონიუსი“ ავრცელებს.
გამოცემის ცნობით, გაერთიანებული სამეფოს მინისტრმა ბიზნესის საკითხებში კვასი კვარტენგმა პარლამენტს განუცხადა, რომ თითქმის 1 მილიონ ადამიანს, ანუ დაზარალებულთა დაახლოებით 95%-ს, ელექტროენერგიის მიწოდება აღუდგა, თუმცა ათასობით აბონენტს ელექტროენერგია კვლავ არ მიეწოდება.
ქარიშხალ „არვენი“ გაერთიანებულ სამეფოს რამდენიმე დღის წინ დაატყდა თავს. სტიქიამ ინფრასტრუქტურა მნიშვნელოვნად დააზიანა. სტიქიას გაერთიანებულ სამეფოში 3 ადამიანის სიცოცხლე ემსხვერპლა.
