რუსეთის ფედერალური უსაფრთხოების სამსახურის განცხადებით, უკრაინის დაზვერვის სამი თანამშრომელი დააკავეს, - ინფორმაციას რუსული მედია ავრცელებს.
მათივე ინფორმაციით, დაკავებულებიდან ორი აგროვებდა ინფორმაციას სტრატეგიული ობიექტების შესახებ, ხოლო მესამე ტერაქტს ამზადებდა.
„უსაფრთხოების თანამშრომლებმა დააკავეს უკრაინის თავდაცვის სამინისტროს მთავარი სადაზვერვო სამმართველოს ოპერატიული მუშაკი, რომელიც გამოაგზავნეს ჩვენი ქვეყნის ტერიტორიაზე ტერორისტული აქტის განსახორციელებლად“, - ნათქვამია რუსეთის ფედერალური უსაფრთხოების სამსახურის განცხადებაში.
მათივე ცნობით, დაკავებული ორი თვითნაკეთი ასაფეთქებელი მოწყობილობის აფეთქებას გეგმავდა.