კელი დეგნანი მოსამართლეების დანიშვნაზე - რთული გასაგებია, რა საჭირო იყო დანიშვნის პროცესის ასე დაჩქარება

ძალიან იმედის გამაცრუებელია ის, რომ პარლამენტმა გააგრძელა [მოსამართლეების დანიშვნის] პროცესი. რთული გასაგებია, რა საჭირო იყო დანიშვნის პროცესის ასე დაჩქარება, მიუხედავად იმისა, რომ არსებობს მნიშვნელოვანი და ყოვლისმომცველი სასამართლო რეფორმის განხორციელების ვალდებულება, - ამის შესახებ საქართველოში აშშ-ის ელჩმა კელი დეგნანმა განაცხადა, რითაც ის უზენაესი სასამართლოს მოსამართლეების დანიშვნის პროცესს გამოეხმაურა.

როგორც დეგნანმა აღნიშნა, საქართველოს მოსახლეობას არ აქვს ინფორმაცია ამ მოსამართლეების კვალიფიკაციის შესახებ, რომლებიც უზენაეს სასამართლოში უვადოდ დაინიშნენ.

„რთული გასაგებია, რა საჭირო იყო დანიშვნის პროცესის ასე დაჩქარება, მიუხედავად იმისა, რომ არსებობს მნიშვნელოვანი და ყოვლისმომცველი სასამართლო რეფორმის განხორციელების ვალდებულება. განსაკუთრებით მაშინ როდესაც ქვეყნის წინაშე ამდენი სხვა გამოწვევა უგულებელყოფილ იქნა. რა საჭირო იყო ამ დანიშვნის პროცესის სხვა ბევრ პრიორიტეტზე წინ დაყენება, რომელიც ამ ქვეყანაშია. ეს ძალიან დამაბნეველი და იმედის გამაცრუებელია. ახლა გვყავს კიდევ 4 მოსამართლე, რომელიც დაინიშნა არაგამჭვირვალე პროცესის საშუალებით. საქართველოს მოსახლეობას არ აქვს ინფორმაცია ამ მოსამართლეების კვალიფიკაციის შესახებ, რომლებიც უზენაეს სასამართლოში უვადოდ დაინიშნენ. სასამართლო რეფორმის მიზანი, რომელიც განხილულ იქნა მათ შორის საქართველოს პოლიტიკური ლიდერების მიერ, იყო მეტი გამჭვირვალობისა და ანგარიშვალდებულების უზრუნველყოფა იმისთვის, რომ ქართველ მოქალაქეებს ჰქონოდეთ ნდობა, რომ სასამართლოს მოსამართლეები არიან კვალიფიციურები, მიუკერძოებლები. იმედი მაქვს, რომ მალე ეს მოხდება იმ სასამართლო რეფორმის საშუალებით, რის განხორციელებაზეც საქართველოს პოლიტიკური ლიდერები შეთანხმდნენ,“- აღნიშნა ელჩმა.

ცნობისთვის, პარლამენტმა ხმათა უმრავლესობით, უზენაესი სასამართლოს მოსამართლეობის ოთხივე კანდიდატს მხარი დაუჭირა. პარლამენტის გადაწყვეტილებით, უზენაეს სასამართლოში უვადოდ დაინიშნენ: ნინო სანდოძე, თეა ძიმისტარაშვილი, გენადი მაკარიძე და თამარ ოქროპირიძე.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია