ენტონი ბლინკენი - რუსეთს კვლავ ჰყავს განთავსებული თავისი ძალები საქართველოში და ინარჩუნებს დე ფაქტო ხელისუფლებებს „სამხრეთ ოსეთსა“ და აფხაზეთში

რუსეთს კვლავ ჰყავს განთავსებული თავისი ძალები საქართველოში და ინარჩუნებს დე ფაქტო ხელისუფლებებს „სამხრეთ ოსეთსა“ და აფხაზეთში, - ამის შესახებ აშშ-ის სახელმწიფო მდივანმა ენტონი ბლინკენმა სტოკჰოლმში, ეუთო-ს 28-ე მინისტერიალზე განაცხადა.

აშშ-ის სახელმწიფო მდივანმა რუსეთის მიერ საერთაშორისო ხელშეკრულებების დარღვევის ფაქტებზე ისაუბრა, მათ შორის საქართველოსა და უკრაინაში.

„სამწუხაროდ, რუსეთი აგრძელებს ჰელსინკის პრინციპების დარღვევას. ვხედავთ მტკიცებულებას, რომ რუსეთი გეგმავს უკრაინის წინააღმდეგ აგრესიის განხორციელებას და მოვუწოდებთ მას, პატივი სცეს უკრაინის სუვერენიტეტსა და ტერიტორიულ მთლიანობას, განმუხტოს სიტუაცია და დააბრუნოს ძალები ჩვეულ პოზიციებზე და შეასრულოს მინსკის ხელშეკრულებით ნაკისრი ვალდებულებები, დაიცვას ცეცხლის შეწყვეტის რეჟიმი და დაუშვას ეუთოს დამკვირვებლები.

რუსეთი არ ასრულებს შეთანხმებას ცეცხლის შეწყვეტის შესახებ, მძიმე შეიარაღების გაყვანა - არ სრულდება რუსეთის მიერ, ეუთოს დამკვირვებლების დაშვება - არ სრულდება რუსეთის მიერ, სოციალ-ეკონომიკური კავშირების აღდგენა - არ სრულდება რუსეთის მიერ. თუკი ჩვენი რუსი და უკრაინელი მეგობრები მზად არიან, შეასრულონ მინსკის ხელშეკრულებით ნაკისრი ვალდებულებები, ჩვენ სრულად დავუჭერთ ამას მხარს და ეს იქნება საუკეთესო გზა უკრაინაში ახალი კრიზისის თავიდან ასაცილებლად.

ამასთან, რუსეთს კვლავ ჰყავს განთავსებული თავისი ძალები საქართველოში და ინარჩუნებს დე ფაქტო ხელისუფლებებს "სამხრეთ ოსეთსა" და აფხაზეთში“, - აღნიშნა ბლინკენმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის