ბრაზილიის პრეზიდენტი ჟაირ ბოლსონარუ მომავალი წლის პირველ კვარტალში რუსეთში ვიზიტს გეგმავს, - მედიის ინფორმაციით, ამის შესახებ ბოლსონარუმ თავად განაცხადა.
მისი თქმით, რუსეთში პრეზიდენტმა ვლადიმერ პუტინმა მიიწვია.
„პრეზიდენტმა პუტინმა მიგვიწვია რუსეთში. მიწვევა მიღებულია. ეს ჩემთვის დიდი სიამოვნება და პატივია. ეს ვიზიტი ჩვენს ქვეყანას შესაძლებლობების ფანჯარას უხსნის", - აღნიშნა ბრაზილიის პრეზიდენტმა.
მისი თქმით, რუსეთში მასთან ერთად მინისტრების დელეგაციაც გაემგზავრება.
„რუსეთი დაინტერესებულია ბრაზილიით. ჩვენ გავაღრმავებთ ურთიერთობებს რუსეთთან,“- აღნიშნა ბოლსონარუმ.