ჯანმოს მეცნიერი - „ომიკრონ“ ვარიანტი, როგორც ჩანს, ძალიან გადამდებია, საჭიროა სიფრთხილე, მაგრამ არა პანიკა

ჯანდაცვის მსოფლიო ორგანიზაციის უფროსი მეცნიერი სუმია სვამინათანი აცხადებს, რომ კორონავირუსის „ომიკრონ” ვარიანტი, როგორც ჩანს, ძალიან გადამდებია.

"რამდენად შეშფოთებული უნდა ვიყოთ? საჭიროა ვიყოთ მომზადებულები და ფრთხილები და არა პანიკაში ჩაცვენილები, რადგან ჩვენ განსხვავებულ სიტუაციაში ვართ, ვიდრე ერთი წლის წინ ვიყავით“,- აღნიშნა ჯანმო-ს მეცნიერმა.

მისი თქმით, მიუხედავად იმისა, რომ ახალი ვარიანტის გაჩენა არასასურველი იყო, მსოფლიო ბევრად უკეთაა მომზადებული ახლა, ვიდრე პანდემიის დაწყების დროს იყო და ეს განპირობებულია ვაქცინების არსებობით.

„უნდა დაველოდოთ და იმედი ვიქონიოთ, რომ ის უფრო მსუბუქია, მაგრამ დასკვნის გაკეთება ჯერ ნაადრევია“,- აღნიშნა ჯანმო-ს მეცნიერმა.

შეგახსენებთ, კორონავირუსის ახალი, „ომიკრონ“ ვარიანტით დაინფიცირების შემთხვევები, რომელიც პირველად სამხრეთ აფრიკაში დაფიქსირდა, მსოფლიოს 20-ზე მეტ ქვეყანაშია დაფიქსირებული. ჯანდაცვის მსოფლიო ორგანიზაციამ ახალ ვარიანტს „შემაშფოთებელი ვარიანტის“ კლასიფიკაცია მიანიჭა. მეცნიერები იკვლევენ და აგროვებენ მონაცემებს იმის დასადგენად, არის თუ არა „ომიკრონ“ ვარიანტი უფრო გადამდები და იწვევს თუ არა ის დაავადების უფრო მძიმე სიმპტომებს, ვიდრე კოვიდ 19-ის აქამდე გავრცელებული ვარიანტები.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!