სამხრეთ კორეაში კორონავირუსით დაინფიცირებისა და გარდაცვალების რეკორდული რაოდენობა დაფიქსირდა. ქვეყნის დაავადებათა კონტროლისა და პრევენციის სააგენტოს ინფორმაციით, ბოლო 24 საათში სამხრეთ კორეაში ვირუსით კიდევ 5 352 პირი დაინფიცირდა, 70 კი გარდაიცვალა. ამასთან, ქვეყანაში ვირუსის „ომიკრონ“ შტამის 9 შემთხვევა დადასტურდა.

ვირუსის გავრცელების პრევენციის მიზნით, სამხრეთ კორეის ხელისუფლებამ 3 დეკემბრიდან რესტორნებში, კინოთეატრებსა და სხვა საზოგადოებრივ თავშეყრის ადგილებში შესვლაზე აუცრელი ადამიანებისთვის შეზღუდვები დააწესა. ამასთან დახურულ სივრცეში შეკრების უფლება ამიერიდან 10-ის ნაცვლად მაქსიმუმ 6 ადამიანს ექნება.

პანდემიის დაწყების დღიდან სამხრეთ კორეაში კორონავირუსის 467 907 შემთხვეა დაფიქსირდა, ვირუსს 3 809 პირი ემსხვერპლა. ქვეყანაში ვაქიცნის 2 დოზით მოსახლეობის 79.5% აიცრა.