მალიში, მოპტის რეგიონში, შეიარაღებული პირები ავტობუსს დაესხნენ თავს, რომელსაც მგზავრები ადგილობრივ ბაზარში მიჰყავდა, - ინფორმაციას Reuters-ი ავრცელებს.
სააგენტოს ცნობით, დაღუპულია მინიმუმ 31 ადამიანი. ამასთან, თავდასხმის შედეგად დაჭრილია რამდენიმე ადამიანი.
სოციალურ ქსელში ვრცელდება კადრები, სადაც ჩანს ცხედრებით სავსე ავტობუსი.
Reuters-ი წერს, რომ მოპტის რეგიონი, ალ-ქაიდასთან და ე.წ. „ისლამურ სახელმწიფოსთან“ დაკავშირებული მებრძოლების გამო, ძალადობის ეპიცენტრია მალიში.