სირიაში, ერაყის საზღვართან ახლოს, ალ-თანფის რეგიონში ამერიკულ სამხედრო ბაზაზე რამდენიმე აფეთქების ხმა გაისმა. ინფორმაციას Reuters ადგილობრივ მედიაზე დაყრდნობით ავრცელებს.

ჯერჯერობით უცნობია არის თუ არა მსხვერპლი.

20 ოქტომბერს იმავე სამხედრო ბაზაზე უპილოტო საფრენი აპარატებით და ჭურვებით თავდასხმა განხორციელდა. ინციდენტის შედეგად არავინ დაშავებულა. მომხდარზე პასუხისმგებლობა არავის აუღია.

ABC-ის ცნობით, დრონებით მსგავსი თავდასხმები ერაყში აშშ-ს ძალებზე ირანის მიერ მხარდაჭერილი გასამხედროებული დაჯგუფებების, განსაკუთრებით ,,კატაიბ ჰეზბოლას” ტაქტიკაა.