სამხრეთ აფრიკის პრეზიდენტის განცხადებით, ქვეყნის საავადმყოფოებს „ომიკრონ“ ვარიანტის გამო გაზრდილი მიმართვიანობისთვის ამზადებენ
სამხრეთ აფრიკა საავადმყოფოებს „ომიკრონ“ ვარიანტის გავრცელების გამო გაზრდილი მიმართვიანობისთვის ამზადებს, - Reuters-ის ინფორმაციით, შესაბამისი განცხადება ქვეყნის პრეზიდენტმა სირილ რამაფოსამ გააკეთა.
მისი თქმით, ქვეყნის უმეტეს პროვინციებში დაფიქსირებულ კორონავირუსის ახალ შემთხვევებში „ომიკრონ“ შტამი დომინირებს.
„ჩვენ მალე მოვიწვევთ კოროვირუსის მართვის ეროვნული საბჭოს სხდომას, რათა განვიხილოთ პანდემიასთან დაკავშირებით არსებული მდგომარეობა. ეს საშუალებას მოგვცემს განვსაზღვროთ, რა შემდგომი ზომების მიღებაა საჭირო მოსახლეობის უსაფრთხოებისა და ჯანმრთელობის შესანარჩუნებლად”, - განაცხადა სირილ რამაფოსამ.
სამხრეთ აფრიკის პრეზიდენტმა მოქალაქეებს კორონავირუსის წინააღმდეგ ვაქცინაციისკენ მოუწოდა.
