ფინანსთა მინისტრი - ოქტომბერში საქართველოს ეკონომიკა გაიზარდა 6,9%-ით, ხოლო ჯამურად 10 თვის განმავლობაში - 10,5%-ით

ოქტომბერში საქართველოს ეკონომიკა გაიზარდა 6,9%-ით, ხოლო ჯამურად 10 თვის განმავლობაში ეკონომიკა 10,5%-ის ოდენობით გაიზარდა, - ამის შესახებ ფინანსთა მინისტრმა, ლაშა ხუციშვილმა, საქართველოს მთავრობის სხდომაზე განაცხადა.

როგორც მან აღნიშნა, საბიუჯეტო პროგნოზები დაკორექტირდა და მიმდინარე წლის ეკონომიკურმა ზრდამ 9,5%-დან 10%-მდე მოიმატა.

„10%-იანი ზრდის შემდეგ, მომდევნო წელსაც საკმაოდ მაღალი, 6%-იანი ეკონომიკური ზრდა არის ნავარაუდები და მნიშვნელოვანია, რომ 2022-2025 წლებში საშუალო ეკონომიკური ზრდაც ასევე მაღალი, 5,5%-ის ფარგლებში იქნება. ჩვენი ნაბიჯები მიმართული იქნება იმისკენ, რომ ეს მაჩვენებლები უფრო მეტად გაუმჯობესდეს.

ქვეყნის ეკონომიკის მთლიანი მოცულობა მომდევნო წელს 65 მილიარდ ლარს გადააჭარბებს, რაც ნიშნავს, რომ ერთ სულ მოსახლეზე მშპ-ის მოცულობა იქნება 5500 დოლარზე მეტი და ეს არის მნიშვნელოვანი ზრდა ამ მიმართულებით. ასევე მნიშვნელოვანია, რომ პარალელურად ჩვენ ვამცირებთ როგორც ვალის, ისე დეფიციტის მოცულობას. უკვე წარდგენილ ბიუჯეტში დეფიციტის მოცულობა შემცირებულია 4,2%-მდე, ხოლო ვალის მოცულობა შემცირებულია თითქმის 9 პროცენტული პუნქტით - 60%-დან 51%-მდე. სახელმწიფო ბიუჯეტის შემოსავლების ნაწილი განისაზღვრება 19 მილიარდ 362 და 362 მილიონი ლარით და წინა წარდგენასთან შედარებით გაზრდილია 336 მილიონი ლარით“, - განაცხადა ლაშა ხუციშვილმა.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი