ცენტრი „ემპათია“ მიხეილ სააკაშვილის ჯანმრთელობისა და უფლებრივ მდგომარეობასთან დაკავშირებით განცხადებას ავრცელებს

ცენტრი „ემპათია“ საქართველოს მესამე პრეზიდენტის, მიხეილ სააკაშვილის ჯანმრთელობასა და უფლებრივ მდგომარეობასთან დაკავშირებით განცხადებას ავრცელებს.

როგორც „ემპათიაში“ აღნიშნავენ, მიხეილ სააკაშვილს კვლავ ესაჭიროება სტაციონარული მულტი - დისციპლინური მკურნალობა, რეაბილიტაცია, განსაკუთრებით ნეირო - ფსიქოლოგიური მიმართულებით.

განცხადების თანახმად, „ემპათია“ საქართველოს ციხეთა სისტემაში მიხეილ სააკაშვილის განთავსება კვლავაც მისი სიცოცხლისა და ჯანმრთელობისათვის საფრთხის შემცველად და დაუშვებლად მიიჩნევს.

სააკაშვილთან დაკავშირებით ცენტრ „ემპათიას“ შემაჯამებელი საექსპერტო დასკვნა 10 დეკემბერს გახდება ცნობილი.

„ცენტრ „ემპათიას“ საქართველოს კანონმდებლობის დარღვევით, მხოლოდ 18 ნოემბერს მიეცა მიხეილ სააკაშვილის ჯანმრთელობის მდგომარეობის ადგილზე გაცნობის საშუალება გლდანის მე - 18 პენტიტენციურ დაწესებულებაში, ისეც ფაქტობრივი შეზღუდვებით. აღნიშნულის შემდეგ, კრიტიკული მდგომარეობის გათვალისწინებით, ჩვენ გავაკეთეთ მკაფიო განცხადება მიხეილ სააკაშვილის დაუყოვნებლად გადაყვანასთან დაკავშირებით. 19 – 20 ნოემბრის ღამეს იგი გადაყვანილი იქნა გორის სამხედრო ჰოსპიტალში, სადაც ჩვენ მოგვეცა შესაძლებლობა პირველად გვენახა მიხეილ სააკაშვილი 27 ნოემბერს. ჩვენს მიერ მისი მდგომარეობა იქნა შეფასებული როგორც ნეიროლეფსიური სინდრომი, ასევე გამოვლინდა წამებასა და არაადამიანურ მოპყრობასთან დაკავშირებული პოსტტრავმული სტრესული აშლილობა, კვლავ სახეზე იყო არასათანადო მოპყრობისა და არაადეკვატური სამედიცინო ინტერვენციის შედეგადეგად შიმშილობის იძულებითი გახანგრძლივებით გამოწვეული ვერნიკეს ენცეფალოპათიის ნევროლოგიური სიმპტომატიკა.

ჩვენი დაჟინებული მოთხოვნით, შეიცვალა ანტიფსიქოზური პრეპარატის მიღება, რომელსაც იგი არამიზნობრივი დანიშნულებით იღებდა რუსთავის მე - 12 პენიტენციური დაწესებულებიდან მოყოლებული 27 ნოემბრამდე. ანტი - ფსიქოზური პრეპარატების არამიზნობრივად გამოყენება პატიმრობაში მყოფი პირის მიმართ, საერთაშორისო სტანდარტებით განიხილება როგორც ფარმაკოლოგიური წამების მეთოდი და ხშირ შემთხვევაში, იგი მიზნად ისახავს პიროვნების გატეხვასა და დამორჩილებას.

დანიშნულების შეცვლის შემდეგ (მოიხსნა ანტი ფსიქოზური პრეპარატი და დაინიშნა მდგომარეობის კორექციისათვის შესაბამისი ტრანკვილიზატორი) მიხეილ სააკაშვილმა შეძლო სასამართლო პროცესებში მონაწილეობის მიღება. ამავდროულად, ცენტრ „ემპათიას“ ექსპერტთა ჯგუფი განაგრძობს პაციენტის ჯანმრთელობის მდგომარეობის მონიტორინგს. მას კვლავ ესაჭიროება სტაციონარული მულტი - დისციპლინური მკურნალობა - რეაბილიტაცია, განსაკუთრებით ნეირო - ფსიქოლოგიური მიმართულებით“,- აღნიშნავენ „ემპათიაში“.

ამასთან აღნიშნავენ, რომ საქართველოს ციხეთა სისტემაში მიხეილ სააკაშვილის განთავსება მისი სიცოცხლისა და ჯანმრთელობისათვის საფრთხის შემცველად და დაუშვებლად მიაჩნიათ.

„აღსანიშნავია, რომ მე - 12 და მე - 18 დაწესებულებაში ცენტრი „ემპათიას“ 10 ნოემბრისა და 12 ნოემბრის დასკვნების შესაბამისად, ასევე მიხეილ სააკაშვილის დაწესებულებიდან დაწესებულებაში გადაყვანის იუსტიციის სამინისტროს მხრიდან გასაჯაროებული ვიდეო - მასალის საფუძველზე, მისდამი საქართველოს ციხეთა სისტემაში მოპყრობა ერთობლიობაში შეფასდა როგორც წამება და არაადამიანური მოპყრობა, ფსიქოლოგიური ძალადობის, ფიზიკური ძალადობის, არაადეკვატური სამედიცინო მომსახურების, სიცოცხლის საფრთხის გათვალისწინებით, რასაც ადგილი ჰქონდა მე-18 დაწესებულებაში ჯანმრთელობის მდგომარეობისა თუ პაციენტისადმი მტრული გარემოს გათვალისწინებით, რასაც ემატება ანტიფსიქოზური პრეპარატის არაადეკვატური დანიშვნა - მიღება. აღნიშნულ ფაქტებზე მიმდინარეობს გამოძიება საქართველოს სახელმწიფო ინსპექტორის სამსახურში. თუმცა, ამ დრომდე ყველა თანამდებობის პირი დაკავებულ თანამდებობაზე რჩება. აღნიშნულიდან გამომდინარე, საქართველოს ციხეთა სისტემაში მიხეილ სააკაშვილის განთავსება კვლავაც მიგვაჩნია მისი სიცოცხლისა და ჯანმრთელობისათვის საფრთხის შემცველად და დაუშვებლად.

ამჟამად, ჩვენი 22/11/2021 წლის მოთხოვნის საფუძველზე, 06/12/2021 - ში მივიღეთ N 12 - ე და N 18 - ე დაწესებულების სამედიცინო ბარათი, ასევე, პაციენტის 28/11/2021 წ. მოთხოვნის საფუძველზე, მას გადაეცა გორის ჰოსპიტალის სამედიცინო ბარათი, რომელიც ადვოკატების მეშვეობით 04/12/2021 წელს გადმოეცა ცენტრ „ემპათიას“. შემთხვევის სირთულისა და დოკუმენტაციის მოცულობის გათვალისწინებით, ცენტრი „ემპათიას“ შემაჯამებელი საექსპერტო დასკვნა წარმოდგენილი იქნება 10/12/2021 წლისთვის. დასკვნითი ნაწილი პაციენტთან შეთანხმების შემდეგ იქნება გასაჯაროებული და ცენტრ „ემპათია“ - ში ჩატარდება ბრიფინგი, რომლის ზუსტ დროს დამატებით ვაცნობებთ საზოგადოებას.

აღნიშნული დასკვნა გადაეცემა სააკაშვილს და მის ადვოკატებს ადგილობრივ თუ ადამიანის უფლებათა ევროპულ სასამართლოში წარსადგენად, ასევე გადაეცემა საქართველოს სახალხო დამცველსა და სახელმწიფო ინსპექტორს, უკრაინის სახალხო დამცველს“,- აღნიშნულია გავრცელებულ ინფორმაციაში.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი