აშშ-ის სახელმწიფო დეპარტამენტის პრესსპიკერის, ნედ პრაისის განცხადებით, ნატო-ს აქვს ღია კარის პოლიტიკა და ვაშინგტონი ამ პოლიტიკის ერთგულია.
„ნატო-ს აქვს ღია კარის პოლიტიკა და ჩვენ ერთგული ვართ ღია კარის პოლიტიკის, რომელიც ბუქარესტის სამიტზე იყო შეთავაზებული, ნატო-ში გაწევრიანება ასპირანტი ქვეყნებისთვის უნდა დარჩეს არჩევანად, როდესაც ისინი მზად იქნებიან და დააკმაყოფილებენ გაწერილ ვალდებულებებს. კერძოდ, იგულისხმება, როდესაც ისინი შეძლებენ და მოისურვებენ ევროატლანტიკური სივრცის უსაფრთხოებაში წვლილის შეტანას. ჩვენ ეს დავადასტურეთ არაერთხელ. როგორც მოქმედი, ისე წინა ადმინისტრაციის პერიოდში“, - აღნიშნა აშშ-ის სახელმწიფო დეპარტამენტის პრესსპიკერმა.
მისი თქმით, 2021 წლის ნატო-ს სამიტის კომუნიკეში ალიანსმა გარკვევით განაცხადა, რომ მხარს უჭერს უკრაინის უფლებას, თავად გადაწყვიტოს საკუთარი მომავალი. „სხვას არავის არ უნდა ჰქონდეს ვეტოს უფლება იმაზე, თუ რას გადაწყვეტს ნატო, უკრაინის მსგავსი ქვეყანა და რომ უკრაინას აქვს უფლება გადაწყვიტოს საკუთარი საგარეო პოლიტიკური კურსი გარე ჩარევების გარეშე,“- აღნიშნა ნედ პრაისმა.