ბურუნდის დედაქალაქ გიტეგას ციხეში გაჩენილ ხანძარს მინიმუმ 38 ადამიანის სიცოცხლე ემსხვერპლა.

მედიის ინფორმაციით, ხანძრის შედეგად 69 ადამიანი მძიმედაა დაშავებული.

გავრცელებული ინფორმაციით, 400 პატიმარზე გათვლილ ციხეში 1 500-ზე მეტი მსჯავრდებული იმყოფებოდა.

ბურუნდის შინაგან საქმეთა სამინისტროს მიერ გამოქვეყნებულ გავრცელებულ განცხადებაში აღნიშნულია, რომ ხანძრის მიზეზი მოკლე ჩართვა გახდა.