ადამიანის უფლებათა ევროპულმა სასამართლომ პოლონეთს მიგრანტების ბელარუსში გაძევება აუკრძალა.

Deutsche Welle-ს ინფორმაციით, აკრძალვა იმ მიგრანტებზე გავრცელდება, რომლებიც ბელარუსის გავლით პოლონეთის ტერიტორიაზე მოხვდნენ და სასამართლოს დახმარების თხოვნით მიმართეს. სტრასბურგის სასამართლოს ცნობით, 20 აგვისტოდან 3 დეკემბრის ჩათვლით, მათ 198 მიგრანტისგან 47 განცხადება მიიღეს. განცხადებების უმეტესობაში მიგრანტები აცხადებენ, რომ საერთაშორისო დაცვა და თავშესაფარი სჭირდებათ. პოლონეთის ხელისუფლების ინფორმაციით, იმის მიუხედავად რომ ბელარუსმა საზღვარზე მყოფი მიგრანტები თავშესაფარში გადაიყვანა, ბელარუს-პოლონეთის საზღვრის უკანონოდ კვეთის შემთხვევები კვლავ ხშირია.