მოსკოვში სროლის შედეგად 2 ადამიანი დაიღუპა, 3 კი დაიჭრა
მოსკოვში, მრავალფუნქციურ ცენტრ „რიაზანსკში“ სროლის შედეგად ორი ადამიანი დაიღუპა და სამი დაშავდა, - ინფორმაციას რუსული მედია რუსეთის მერზე, სერგეი სობიანინზე დაყრდნობით ავრცელებს.
„მრავალფუნქციურ ცენტრ „რიაზანსკში“ ტრაგედია მოხდა. სროლის შედეგად 2 ადამიანი დაიღუპა, სამი კი - დაშავდა. მკვლელი დაკავებულია. ექიმები ყველაფერს აკეთებენ დაშავებულების დასახმარებლად,“- წერს მერი „ტვიტერში“.
გავრცელებული ინფორმაციით, ერთ-ერთი დაშავებული ბავშვია.
ზოგიერთი მედია საშუალების ცნობით, მამაკაცმა სროლა მაშინ დაიწყო, როცა პირბადის გაკეთებაზე უარის თქმის გამო დაცვის სამსახურის თანამშრომელმა მისი ცენტრიდან გაყვანა სცადა.
