სამხედრო ვერტმფრენმა, Mi-17V5-მა, რომლის ბორტზეც ინდოეთის თავდაცვის შტაბის ხელმძღვანელი, გენერალი ბიპინ რავათი იმყოფებოდა, კატასტროფა განიცადა, - ინფორმაციას Reuters-ი ინდოეთის საჰაერო ძალებზე დაყრდნობით ავრცელებს.

სააგენტოს ცნობით, შემთხვევა ტამილნადუს პროვინციაში მოხდა. გენერლის ბედი ჯერჯერობით უცნობია.

„კატასტროფის მიზეზის დასადგენად გამოძიების ჩატარების განკარგულება გაცემულია,“ - აღნიშნულია ინდოეთის საჰაერო ძალების განცხადებაში.

ბიპინ რავათი ინდოეთის თავდაცვის შტაბის უფროსად პრემიერ-მინისტრმა ნარენდრა მოდიმ 2019 წლის ბოლოს დანიშნა.